شعور ویلفیئر فاؤنڈیشن کا خیر، بحالی اور امید کا یہ طویل سفر آپ مخیر حضرات کے تعاون کے بغیر ممکن نہ تھا۔ آپ کی مدد سے ہم خیر اور خدمت کا یہ سفر طے کر پائے، جہاں آج سینکڑوں یتیم بچے شعور کی کفالت میں پل رہے ہیں اور بے شمار بے سہارا مائیں، عورتیں اور بچیاں آپ کے سہارے زندگی کی نئی امید پا رہی ہیں۔ آپ کے اعتماد کی بدولت آج کئی خواتین اور یتیم بچے تعلیم اور ہنر حاصل کر کے اپنے پیروں پر کھڑے ہیں اور اپنے خاندانوں کا سہارا بن چکے ہیں۔ مگر کیا یہ سفر یہاں رک جانا چاہیے؟ موجودہ سیلاب سے متاثرہ علاقوں میں جا کر ہمیں غربت کی اصل شدت کا اندازہ ہوا۔ شعور ویلفیئر فاؤنڈیشن کے سروے کے مطابق فوری طور پر دو اہم ضرورتیں سامنے آئیں: ایک نان فارمل اسکول اور دوسرا ہنر سکھانے والے ادارے۔ کروڑوں بچے آج بھی اسکول سے باہر ہیں اور جو پڑھ رہے ہیں انہیں معیاری تعلیم میسر نہیں۔ اس رمضان، جہاں آپ یتیم بچوں اور مستحق خاندانوں کی کفالت کریں، وہیں ان اجتماعی منصوبوں میں بھی حصہ ڈالیں۔ نان فارمل اسکول اور اسکل ڈویلپمنٹ سینٹر کو اسپانسر کریں، مشینیں، اساتذہ کی تنخواہیں، کتابیں اور تعمیراتی کاموں میں ہمارا ساتھ دیں۔ اپنی زکوٰۃ، صدقات اور خیرات ان معصوم بچوں کے روشن مستقبل پر خرچ کریں اور شعور ویلفیئر فاؤنڈیشن کے ساتھ مل کر اپنے ملک کو اندھیروں سے نکالنے میں کردار ادا کریں۔