معراج بی بی، جنہوں نے اپنی زندگی نشے میں تباہ کر لی تھی، نے ایک نئی زندگی کا آغاز کرنے کا فیصلہ کیا۔ ان کی لگن اور اپنے بچوں کی محبت نے انہیں شعور ویلفیئر فاؤنڈیشن سے رابطہ کرنے پر مجبور کیا۔ ڈاکٹر شاہدہ نعمانی اور ان کی ٹیم کی انتھک کوششوں اور ان کے شوہر کے مکمل تعاون سے، ان کا علاج ایک بہترین ہسپتال سے شروع کیا گیا۔ مکمل راہنمائی اور مشاورت نے ، مناسب علاج، اور اپنوں کی شفقت سے معراج بی بی اب بالکل ٹھیک ہو چکی ہیں۔ پاکستان میں بے شمار لوگ ہیں جو نشے کے عادی ہیں لیکن مناسب علاج کرانے سے قاصر ہیں۔ آپ کی مدد سے ہم ایسے لوگوں اور ان کے خاندانوں کو اس عذاب سے بچا سکتے ہیں۔ آئیں، مایوسی میں ڈوبی زندگیوں کو محبت اور ہمدردی کی روشنی میں ایک بہتر راہ دکھائیں۔ آئیں، مل کر اللہ کی مخلوق سے محبت کریں اور اشرف المخلوقات ہونے کا حق ادا کریں۔ ہمیں مسکراہٹیں بانٹنی ہیں، جہاں تک ہو سکے انسانیت کی مدد کرنی ہے۔