علی شیر ایک ننھا سا فرشتہ ہے، جو والدین کی موجودگی کے باوجود والدین کے پیار سے محروم رہا، مگر آج شعور ماں گھر کی پہچان اور رونق بن چکا ہے۔ جب علی شیر شعور ویلفیئر فاؤنڈیشن پہنچا تو اس کے معصوم الفاظ “آپی، کچھ کھانے کو ہے؟” نے ہر سننے والے کا دل چیر کر رکھ دیا۔ پیدائشی طور پر آنکھوں کی کمزوری میں مبتلا علی شیر آج آپ کے تعاون سے ایک نئی زندگی کی طرف بڑھ رہا ہے۔ علاج اور کامیاب سرجری کے بعد اس کی نظر میں واضح بہتری آ چکی ہے؛ وہ اب دیکھ سکتا ہے، لوگوں کو پہچان سکتا ہے۔ اس کی باتیں، اس کی شرارتیں اور اس کی مسکراہٹ ہر دل کو جیت لیتی ہیں۔ الحمدللہ، شعور ٹیم کی انتھک محنت اور محبت سے ماں گھر کے علی شیر کی آنکھوں کا کامیاب آپریشن مکمل ہو گیا ہے اور اس کی آنکھوں کی روشنی بحال ہونا شروع ہو چکی ہے۔ بادلوں اور اس وسیع دنیا کو اپنی آنکھوں سے دیکھنے کی اس کی خواہش آپ مخیر حضرات کی مدد سے حقیقت بن سکی۔ علی شیر کے کیس پر شعور ماں گھر کی جانب سے مسلسل فالو اَپ جاری ہے تاکہ اسے بہتر دیکھ بھال، تحفظ اور ایک روشن مستقبل فراہم کیا جا سکے۔ آپ کا تعاون اس مشن کو مزید آگے بڑھا سکتا ہے—شعور ویلفیئر فاؤنڈیشن کی ہمت بنیں، اپنی زکوٰۃ اور عطیات ان معصوم بچوں پر خرچ کریں؛ یہ صدقۂ جاریہ اور عظیم نیکی ہے۔