زندگی کے امتحان بعض اوقات حد سے زیادہ سخت ہو جاتے ہیں، اور زبیدہ باجی کے لیے یہ سفر آسان نہ تھا۔ وہ کینسر سے لڑ رہی تھیں، شوہر کا ساتھ نہ تھا، علاج اور گھر کے اخراجات ایک بڑا بوجھ تھے۔ گلے میں طبی آلہ ہونے کی وجہ سے کھانا کھانا بھی مشکل تھا۔ چار سال بعد جب وہ واپس آئیں، تو ان کے چہرے پر خوشی دیکھی جا سکتی تھی۔ وہ جوش و خروش سے بتا رہی تھیں کہ شعور کی مالی مدد نے کرائے اور بلوں کی پریشانی دور کر دی۔ ان کا بیٹا میٹرک میں، بیٹی ساتویں جماعت میں، اور باقی بچے بھی تعلیم حاصل کر رہے ہیں۔ مشکل وقت میں جو ساتھ دیتا ہے، وہ ہمیشہ یاد رہتا ہے۔ چند پیسوں کی کفالت کسی کی زندگی میں ایسی آسانیاں لا سکتی ہے کہ وہ ہمیشہ دعائیں دیتا ہے۔ یہی شعور کا مشن ہے—خوشیاں، آسانیاں، اور علم بانٹنا