یٰسین بھائی روز گلی گلی گول گپے کا ٹھیلا لگاتے ہیں تاکہ ان کے گھر کا چولہا جلتا رہے اور ان کے بچے پڑھ لکھ کر ایک بہتر زندگی جی سکیں۔ مگر قسمت نے ان کے خوابوں کے درمیان غربت کی دیوار کھڑی کر دی ہے۔ دو چھوٹے بچے جو کبھی خوشی خوشی اسکول جایا کرتے تھے، اب گزشتہ ایک سال سے اسکول نہیں جا پا رہے کیونکہ فیس ادا نہ ہونے پر اسکول والوں نے داخلہ منسوخ کر دیا ہے۔ مہنگائی کے اس دور میں یٰسین بھائی کے لیے گھر کا خرچ چلانا ہی ایک جنگ بن چکا ہے، اور بچوں کی تعلیم کے اخراجات اٹھانا اب ممکن نہیں رہا۔ ایک معمولی سی رقم ان معصوموں کے مستقبل کو روشن کر سکتی ہے۔ یہ بچے پڑھنا چاہتے ہیں، آگے بڑھنا چاہتے ہیں، مگر باپ کی مجبوری ان کے تعلیمی سفر میں رکاوٹ بن گئی ہے۔ آئیے! شعور ویلفیئر فاؤنڈیشن کے ساتھ مل کر ان بچوں کے خوابوں کو حقیقت میں بدلیں۔ ان کی تعلیم کے اخراجات پورے کر کے ان کے مستقبل کے چراغوں کو روشنی دیں۔