غربت اور بیماری کی بے بسی نے غلام سکینہ باجی کی زندگی کو انتہائی مشکل بنا دیا ہے۔ وہ کینسر جیسے موذی مرض میں مبتلا ہیں، اور غربت کا یہ عالم ہے کہ دو وقت کا کھانا بھی مشکل سے نصیب ہوتا ہے۔ شوہر ہرنیہ کے مریض ہیں اور کسی قسم کا کام کرنے کے قابل نہیں، جبکہ ایک بیٹا دیہاڑی پر مزدوری کرتا ہے۔ کبھی کام مل جاتا ہے، کبھی نہیں۔ جب ماں کو ہسپتال لے جانا پڑتا ہے تو اسے کام سے چھٹی کرنی پڑتی ہے، جس سے گھر کا گزارہ مزید دشوار ہو جاتا ہے۔ سکینہ باجی پہلے ایک فیکٹری میں کام کرتی تھیں، مگر بیماری کے بعد وہ ملازمت جاری نہ رکھ سکیں۔ اب گھر کے حالات انتہائی خراب ہیں، اور وہ دکھ اور پریشانی میں مبتلا ہیں۔ ان کی کیمو تھراپی کے لیے فوری مالی مدد درکار ہے۔ آئیے، شعور ویلفیئر فاؤنڈیشن کے ساتھ تعاون کریں تاکہ ایک ماں کی قیمتی زندگی کو بچایا جا سکے۔ آئیے، غلام سکینہ باجی کے دکھ درد میں شریک ہوں اور ان کے علاج میں اپنا حصہ ڈالیں۔آپ کی تھوڑی سی مدد ان کی زندگی میں امید کی نئی کرن بن سکتی ہے۔