لاہور کے تھیم پارک سوسائٹی میں سیلاب کی تباہ کاریوں کی موجودہ صورتحال بہت پریشان کن ہے۔ ہر طرف پانی ہی پانی ہے، دریائے راوی کا پانی ابھی تک کھڑا ہے اور علاقے کے لوگ شدید مشکلات کا شکار ہیں۔ احتشام اپنے ہم عمر دوست کی موت پر گہرے غم میں مبتلا ہے، جو اپنے ڈوبے ہوئے گھر سے ضروری سامان لینے گیا مگر واپس نہ آسکا اور پانی میں ڈوب کر جاں بحق ہوگیا۔ یہ المناک واقعہ اس تباہی کی سنگینی کو ظاہر کرتا ہے۔ تھیم پارک سوسائٹی تقریباً 30 ہزار آبادی پر مشتمل اس علاقے میں گھروں کے گھر تباہ ہو چکے ہیں۔ اندازاً پانچ سے سات ہزار لوگ اپنے گھروں کو واپس جا چکے ہیں لیکن بیشتر اب بھی بے یار و مددگار ہیں۔ لوگوں نے اپنے سامان کو محفوظ رکھنے کے لیے گھروں کی چھتوں پر رکھا ہوا ہے۔ پانی کی بروقت نکاسی نہ ہونے کے باعث ملیریا، خارش، الرجی اور دیگر وبائیں تیزی سے پھیل رہی ہیں۔ آئیے، انسانیت کے ناطے شعور ویلفیئر فاؤنڈیشن کے ساتھ مل کر ان متاثرہ خاندانوں کی مدد کریں تاکہ ان کے دکھوں میں کمی اور زندگیوں میں دوبارہ امید کی روشنی پیدا کی جا سکے۔