معروف پاکستانی اداکار فردوس جمال نے حال ہی میں شعور ماں گھر کا دورہ کیا، جہاں انہوں نے بچوں کے ساتھ یادگار اور خوشگوار وقت گزارا، ان سے پیار بھرے لمحات شیئر کیے اور ان کے خیالات سے لطف اندوز ہوئے اور بچیوں کے سوالات کے بہت شفقت بھرے انداز میں جواب دیے ۔   گفتگو کے دوران ماؤں نے فردوس جمال کے مشہور ڈراموں کا تذکرہ کیا جن میں سب سے قابلِ ذکر ہیں۔ پی ٹی وی کا مشہور ڈرامہ “من چلے کا سودا” جسے اشفاق احمد صاحب نے تحریر کیا۔ اس موقع پر فردوس جمال نے شعور ویلفیئر فاؤنڈیشن کی سماجی خدمات کو سراہتے ہوئے کہا کہ یہ ادارہ حقیقت میں خدمتِ انسانیت کا بہترین مظہر ہے۔ شعور ماں گھر – تربیت و فلاح کا مسکن ہے۔ جہاں بے سہارا ماؤں اور یتیم بچیوں کو نہ صرف پناہ دی جاتی ہے بلکہ انہیں تعلیم، تربیت، اعتماد اور باوقار زندگی کے مواقع فراہم کیے جاتے ہیں۔ یہ ادارہ ان معصوم بچیوں کو خودمختار اور معاشرے کا کارآمد فرد بنانے کے مشن پر گامزن ہے۔ فردوس جمال نے شعور ٹیم کی محنت، جذبے اور لگن کو خراجِ تحسین پیش کرتے ہوئے کہا کہ اگر ہم سب اپنا حصہ ڈالیں تو کوئی بچہ تعلیم اور سہولتوں سے محروم نہیں رہے گا۔ انہوں نے بچوں کے ساتھ تصویریں بنوائیں، دعائیں دیں، اور کہا کہ شعور کے ماں گھر میں انہیں دلی سکون، روحانی تسکین اور اپنائیت کا احساس ہوا۔ آخر میں انہوں نے عوام سے اپیل کی کہ وہ شعور ویلفیئر فاؤنڈیشن کے اس نیک مقصد اور خدمتِ انسانیت کے سفر میں اپنا حصہ ڈالیں۔ اپنے عطیات اور فنڈز کے ذریعے ان معصوم بچیوں اور بے سہارا ماؤں کے لیے امید کی روشنی بنیں۔ شعور ماں گھر آج ان بے سہارا دلوں کے لیے امید کا چراغ بن چکا ہے۔ آئیے، ہم سب مل کر ان کے روشن مستقبل کی تعمیر میں اپنا کردار ادا کریں۔