سعید بھائی اپنی معذوری، فاقوں اور بےبسی کے باوجود سفید پوشی کے ساتھ زندگی گزارنے کی کوشش کر رہے ہیں۔ ان کے معصوم بچے آج بھی امید کی نگاہوں سے اپنی زندگی کے بہتر ہونے کا انتظار کر رہے ہیں۔ سعید بھائی اپنے گھر کے واحد کفیل ہیں مگر گھٹنوں کے خطرناک مرض نے انہیں پچھلے چھ ماہ سے بستر پر محدود کر دیا ہے۔ کام نہ کرنے کے باعث علاج کروانا ناممکن ہو چکا ہے اور گھر کے اخراجات پورے کرنا بھی ایک بڑا چیلنج بن گیا ہے۔ غربت اور بیماری نے اس گھر کی خوشیاں چھین لی ہیں۔ بچوں کے پاس نہ اسکول کی فیس ہے اور نہ ہی گھر میں کھانے کے لیے کچھ۔ تین ماہ سے کرایہ ادا نہیں ہو سکا، اور حالات دن بدن بگڑتے جا رہے ہیں۔ آئیے! سعید بھائی کے علاج اور بحالی میں شعور ویلفیئر فاؤنڈیشن کا ساتھ دیں تاکہ وہ دوبارہ اپنے پاؤں پر کھڑے ہو سکیں اور اپنے بچوں کے مستقبل کے محافظ بن جائیں۔ شعور ویلفیئر فاؤنڈیشن ان جیسے سفید پوش اور مستحق خاندانوں کی کفالت کے لیے سرگرمِ عمل ہے۔ آئیے! شعور ٹیم کا ساتھ دیں، ان ضرورت مند خاندانوں کو عزت کے ساتھ جینے کا موقع دیں۔ یہی انسانیت ہے، یہی شعور ہے۔