فالج زدہ، ایک مصنوعی ٹانگ کے ساتھ شوگر کے مریض آصف بھائی ایک محنتی اور خوددار انسان ہیں۔ کبھی وہ صبح سے شام تک محنت کر کے روزی کماتے تھے، مگر شوگر کی بیماری نے اُن کی زندگی کا رخ بدل دیا۔ ایک ٹانگ اور دوسرے پاؤں کا پنجہ کاٹنا پڑا۔ جب اُنہیں مصنوعی ٹانگ لگائی گئی، تو ایسا لگا جیسے زندگی میں ایک بار پھر امید کی کرن جاگ اٹھی ہے۔ وہ چلنے پھرنے کے قابل ہونے کی آس باندھ چکے تھے، لیکن افسوس اُن کی آزمائش یہیں ختم نہ ہوئی۔ اب اُنہیں فالج ہو گیا ہے۔ آج وہ نہ چل سکتے ہیں، نہ کام کر سکتے ہیں، مگر اس کے باوجود آصف بھائی آج بھی پُرامید ہیں اور اپنے گھر والوں کا سہارا بننے کی خواہش رکھتے ہیں۔ ان کی بیوی اور بچے مایوسی کا شکار ہیں۔ بچے اکثر سوچتے ہیں کہ آج گھر میں کھانا بنے گا تو ہم کھا سکیں گے؟ کب یہ معصوم بچے دوبارہ اسکول جا سکیں گے؟ بیماری، گھر اور اسکول کے اخراجات پورے کرنا اب بہت مشکل ہو گیا ہے۔ آصف بھائی مایوس نہیں ہیں، مگر آپ کی مدد کے منتظر ہیں۔ آئیے، ہم سب مل کر شعور ویلفیئر فاؤنڈیشن کے ساتھ تعاون کریں تاکہ آصف بھائی کو طبی امداد فراہم کی جا سکے اور اُن کے علاج کو ممکن بنایا جا سکے۔ آپ کا تعاون ان کے لیے نئی زندگی، نئی امید اور ان کے بچوں کے لیے روشن مستقبل کا سبب بن سکتا ہے۔