یتیم بچوں کی کفالت انسانیت کی سب سے بڑی خدمت ہے۔ یہ وہ معصوم دل ہیں جو ہماری محبت، توجہ اور سہارے کے منتظر ہیں۔ آئیے، ان کے بہتر مستقبل کے سفر میں وسیلہ بنیں۔ حسنین اپنی ماں کے جنازے پر رو رو کر کہہ رہا تھا: “اب میرا آپ کے سوا کوئی نہیں رہا۔” یہ جملہ صرف حسنین کا نہیں بلکہ ان تمام بچوں کا درد ہے جو ماں باپ کے سایے سے محروم ہو چکے ہیں۔ فرح باجی بھی اپنی بیماری اور مشکلات کے باوجود آخرکار اس جہانِ فانی سے رخصت ہو گئیں، اپنے پیچھے بے شمار سوالات اور ایک معصوم بیٹے کو چھوڑ گئیں جو ابھی زندگی کی بہاروں سے آشنا ہی نہیں ہوا تھا۔ اس کے ننھے ہاتھ قلم اور کتاب تھامنے کے تھے، مگر وہ اپنی بیمار ماں کے لیے جدوجہد کرتا رہا، جگہ جگہ کے دھکے کھاتا رہا، قرض اٹھاتا اور ماں کے علاج کے لیے دوڑتا رہا۔ شعور ویلفیئر فاؤنڈیشن نے حسنین کے دکھ کو محسوس کیا۔ نہ صرف اس کی ماں کا قرض اتارا بلکہ اسے ایک معیاری تعلیمی ادارے میں داخل کرایا، تاکہ وہ تعلیم حاصل کر کے اپنی زندگی بہتر بنا سکے۔ آج فرح باجی دنیا سے جا چکی ہیں، مگر ان کا بیٹا شعور کی کفالت میں ایک نئی امید کے ساتھ جی رہا ہے۔ ایسے بے شمار بچے ہیں جن کے والدین اب اس دنیا میں نہیں رہے، مگر شعور ویلفیئر فاؤنڈیشن ان کو اپنی محبت، حفاظت اور کفالت کی چادر میں سمیٹے ہوئے ہے۔ آئیے، ان بچوں کی زندگیوں میں امید کا چراغ جلائیں، ان کی تعلیم، کفالت اور بہتر مستقبل کے لیے شعور ویلفیئر فاؤنڈیشن کے ساتھ قدم سے قدم ملا کر چلیں۔ آپ کی تھوڑی سی مدد ایک یتیم بچے کے خوابوں کو حقیقت میں بدل سکتی ہے۔