ثوبیہ باجی ایک بیوہ ماں ہیں جو اپنے چار بچوں کے ساتھ انتہائی غربت میں زندگی گزار رہی ہیں۔ شوہر کے انتقال کے بعد گھر کے تمام اخراجات اور بچوں کی ذمہ داری ان کے کندھوں پر آ گئی ہے۔ حالات اس قدر مشکل ہیں کہ بعض اوقات دو دو، چار چار دن گھر میں کھانا نہیں پکتا۔ ان کا دس سالہ یتیم بیٹا گھر کے اخراجات میں ہاتھ بٹانے کے لیے موٹر سائیکل مکینک کے پاس کام کرنے پر مجبور ہے اور روزانہ تقریباً سو روپے کما کر گھر لاتا ہے۔ تین بیٹیاں اور ایک بیٹا تعلیم حاصل کرنے کا شوق رکھتے ہیں، مگر غربت ان کے تعلیمی خوابوں کی راہ میں رکاوٹ بن رہی ہے۔ کئی مرتبہ ثوبیہ باجی بچوں کو تعلیم سے ہٹانے کے بارے میں سوچتی ہیں، لیکن بچے پڑھنے اور اپنے مستقبل کو سنوارنے کا عزم رکھتے ہیں۔ الحمدللہ، شعور ویلفیئر فاؤنڈیشن کے تعاون سے اس خاندان کو کچھ سہارا ملا ہے۔ آئیے! اس مستحق گھرانے کی مستقل کفالت کا انتظام کریں، ایک بے آسرا بیوہ ماں اور چار یتیم بچوں کا سہارا بنیں اور ان کے لیے تعلیم، راشن اور بہتر مستقبل کی امید پیدا کریں۔ آپ کا تعاون ان کی زندگی میں آسانی اور خوشحالی کا ذریعہ بن سکتا ہے۔