An overview of the current situation in flood affected areas when India released water causing Pakistan floods – 2025.
Iram Bint Safia — a dedicated teacher, renowned life coach, and the acclaimed author of “No One Taught Me This: A Transformational Guide For Parents to Lead A Blissful Life” — recently held a live video call session with renowned social activist Dr. Shahida Noumani.
سیلابی بحران – ارم بنت صفیہ سے گفتگو
ارم بنت صفیہ — ایک باوقار استاد، تصدیق شدہ لائف کوچ اور مشہور کتاب “No One Taught Me This: A Transformational Guide For Parents to Lead A Blissful Life” کی مصنفہ — نے حال ہی میں ایک لائیو ویڈیو کال سیشن میں ممتاز سماجی رہنما ڈاکٹر شاہدہ نعمانی سے گفتگو کی۔ یہ نشست ارم بنت صفیہ نے اپنے یوٹیوب چینل @irambintsafia پر نشر کی۔
ارم بنت صفیہ نے 2024 میں شعور ماں گھر میں ڈاکٹر شاہدہ نعمانی سے بالمشافہ ملاقات بھی کی تھی، تاہم یہ حالیہ نشست آن لائن منعقد ہوئی تاکہ وسیع تر ناظرین تک اُن کے پیغام کو پہنچایا جا سکے۔
ڈاکٹر شاہدہ نعمانی، ممتاز سماجی کارکن اور بانی و صدر شعور ویلفیئر فاؤنڈیشن، نے اپنی زندگی کا ایک بڑا حصہ معاشرے کی بہتری اور فلاح و بہبود کے لیے وقف کر رکھا ہے۔ سماجی شعبے پر ڈاکٹریٹ کی ڈگری رکھنے والی ڈاکٹر شاہدہ نے اب تک بے شمار این جی اوز اور فلاحی اداروں کے ساتھ کام کرتے ہوئے چالیس سے زائد پروگرامز اور منصوبوں کے ذریعے ملک و قوم اور انسانیت کی خدمت کو اپنا مشن بنایا ہے۔
نشست کے دوران گفتگو کرتے ہوئے ڈاکٹر شاہدہ نعمانی نے کہا کہ:
“اس بار کا سیلاب 2020 سے بھی زیادہ بڑے پیمانے پر آیا ہے۔ کئی مقامات پر پندرہ فٹ سے زیادہ پانی ہے جسے سوکھنے میں کئی ماہ لگ جائیں گے۔ لوگ بھوک اور پیاس کے عالم میں، اپنے گھروں میں قید ہوکر امداد کے منتظر ہیں۔”
ڈاکٹر شاہدہ نے بتایا کہ قصور سے شروع ہونے والا اُن کا ریلیف سفر جھنگ اور چنڈ بھروانہ
سے ہوتا ہوا جلالپور تک پہنچا، جہاں بستیاں مکمل طور پر پانی میں ڈوب چکی تھیں۔ متاثرہ علاقوں میں خواتین کو بیت الخلا جیسی بنیادی ضرورت کے لیے بھی شدید مشکلات کا سامنا تھا جبکہ بچے تعلیم سے محروم ہو گئے۔
ڈاکٹر شاہدہ نے مزید بتایا کہ کئی مقامات پر یتیم بچے کھلے آسمان تلے بھوکے پیاسے اپنی ماؤں کو پکار رہے تھے، جو سیلابی ریلوں میں بہہ گئیں۔ جھنگ میں ایک پورا قبرستان ڈوب چکا ہے اور بے شمار خاندان اپنے پیاروں کی تلاش میں ہیں۔ متاثرین کے ہاتھ اور جسم مسلسل پانی میں رہنے کے باعث گلنے لگے ہیں اور بیماریوں کی شرح میں اضافہ ہو رہا ہے۔
ڈاکٹر شاہدہ نے کہا کہ ماہرین کے مطابق آئندہ آنے والا سیلاب 28 فیصد زیادہ شدید ہوسکتا ہے، اس لیے شعور ویلفیئر فاؤنڈیشن ریسکیو، ریلیف، ریکوری اور ری ہیبیلیٹیشن کے جامع نظام پر کام کر رہی ہے۔
بلوچستان میں متاثرہ بچوں کے لیے نان فارمل اسکول قائم کیے گئے ہیں۔
ساڑھے چھ سو رضاکاروں پر مشتمل ٹیم سرگرم عمل ہے، جن میں اکثریت خواتین کی ہے۔
میڈیکل کیمپس میں متاثرین کے زخموں اور بنیادی صحت کے مسائل کا علاج کیا جا رہا ہے۔
ڈاکٹر شاہدہ نعمانی نے مخیر حضرات سے اپیل کی کہ وہ بڑھ چڑھ کر عطیات دیں تاکہ زیادہ سے زیادہ متاثرین کی بحالی ممکن ہو سکے۔ اُنہوں نے بتایا کہ:
“شعور ویلفیئر فاؤنڈیشن کی ویب سائٹ پر بینک اکاؤنٹ کی تفصیلات اور عطیہ فارم موجود ہیں۔ ہر عطیہ بغیر کسی کٹوتی کے براہِ راست متاثرین تک پہنچایا جاتا ہے۔”
اس بامقصد نشست کے انعقاد اور سماجی مسائل کو اجاگر کرنے پر شعور ویلفیئر فاؤنڈیشن اور ڈاکٹر شاہدہ نعمانی کی جانب سے ارم بنت صفیہ کا شکریہ ادا کیا گیا۔ اُن کی کاوشیں معاشرے میں مثبت تبدیلی لانے کے لیے حوصلہ افزا ہیں۔
Relief Activities of Shauoor Welfare Foundation in Theme Park Society, Lahore! Theme Park Society in Lahore has been suffering from flood devastation for the past one and a half months. Sadly, even today, some areas remain submerged under 15 feet of water.
The current critical situation in Lahore Theme Park Society after the devastating floods is extremely distressing. There is water everywhere — the floodwater of River Ravi has not receded yet, and residents of the area are facing severe hardships.
The residents of Lati Mari, a small settlement in Alipur, remained trapped in floodwaters for several days. When the water finally receded and the roads reopened, Shauoor team, carrying meal prepared from your donations,
Shauoor team is actively playing an important role in addressing the problems of flood-affected areas.
